छत्रपती राजर्षी शाहू महाराज यांच्या १५२ व्या जयंतीनिमित्त विनम्र अभिवादन!

 समतेचे पुरस्कर्ते, बहुजन समाजाचे उद्धारकर्ते आणि कोल्हापूरचे लोककल्याणकारी राजे छत्रपती राजर्षी शाहू महाराज यांची १५२ वी जयंती आज २६ जून रोजी साजरी होत आहे. त्यांचा जन्म २६ जून १८७४ रोजी कागल (कोल्हापूर) येथे झाला होता. त्यांनी भारतात सर्वप्रथम २६ जुलै १९०२ रोजी बहुजन समाजासाठी ५०% आरक्षणाची ऐतिहासिक घोषणा केली. मोफत व सक्तीच्या प्राथमिक शिक्षणाचा कायदा केला. मागासवर्गीय विद्यार्थ्यांसाठी वसतिगृहांची परंपरा सुरू केली. तसेच अस्पृश्यता निर्मूलन, आंतरजातीय विवाहाला कायदेशीर मान्यता आणि देवदासी प्रथा बंदी यांसारख्या क्रांतिकारी सामाजिक सुधारणा केल्या. शेती, उद्योग (उदा. राधानगरी धरण आणि शाहू मिल) आणि कुस्ती या क्षेत्रांना राजाश्रय व प्रोत्साहन दिले. त्यांच्या या महान कार्याचा गौरव म्हणून त्यांचा जन्मदिवस महाराष्ट्रात ‘सामाजिक न्याय दिन’ म्हणून पाळला जातो. छत्रपती राजर्षी शाहू महाराज यांच्या १५२ व्या जयंतीनिमित्त विनम्र अभिवादन!