राज्यात पुन्हा मुसळधार पावसाची एन्ट्री; शेतीला दिलासा
राज्यात काही दिवसांच्या विश्रांतीनंतर पुन्हा एकदा मुसळधार पावसाने हजेरी लावली असून, यामुळे शेती पिकांना मोठा दिलासा मिळाला आहे. विशेषतः कोकणातील भात पिके आणि खरिपाच्या पेरण्यांसाठी हा पाऊस लाभदायक ठरत आहे.
जुलैच्या सुरुवातीनंतर पावसाने दडी मारल्यामुळे शेतकऱ्यांची चिंता वाढली होती. मात्र, आता पुन्हा सुरू झालेल्या पावसामुळे भातरोपांना नवजीवन मिळाले आहे. कोकण पट्ट्यात, विशेषतः रत्नागिरीसह आसपासच्या जिल्ह्यांमध्ये पावसाने चांगली हजेरी लावली असून, भात पुनर्लागवडीसाठी अनुकूल वातावरण तयार झाले आहे. एकूणच, पावसाच्या पुनरागमनामुळे राज्यातील शेतीला नवसंजीवनी मिळाली असून, शेतकऱ्यांच्या आशा पुन्हा पल्लवित झाल्या आहेत.
