शासकीय वैद्यकीय महाविद्यालय रत्नागिरी येथे २१ वे मरणोत्तर देहदान…
कै. श्रीम. मंगल भालचंद्र जोगळेकर. वय – ५९ वर्षे, राहणार – नाचणे,रत्नागिरी यांचे दिनांक – १३/०७/२०२६ रोजी दुपारी अल्पशा आजाराने शासकीय रुग्णालय रत्नागिरी येथे निधन झाले. त्यांनी फेब्रुवारी २०२५ रोजी शासकीय वैद्यकीय महाविद्यालय रत्नागिरी येथे देहदान संकल्पपत्र भरले होते. त्यांच्या व त्यांच्या कुटुंबियांच्या इच्छेनुसार त्यांचे मरणोत्तर देहदान शासकीय वैद्यकीय महाविद्यालय रत्नागिरी येथे दिनांक १३/०७/२०२६ रोजी करण्यात आले. सदर देहदान हे २१ वे देहदान होते.
कै. श्रीम. मंगल जोगळेकर यांच्या पश्चात मुलगी सौ. प्राची सावंत, जावई श्री.प्रदीप सावंत व नातवंडे असा परिवार आहे.
सदर मरणोत्तर देहदान वेळी श्रीम. मंगल जोगळेकर यांची मुलगी, जावई आणि इतर नातेवाईक उपस्थित उपस्थित होते.
शासकीय वैद्यकीय महाविद्यालय रत्नागिरी चे अधिष्ठाता डॉ. जयप्रकाश रामानंद यांच्या मार्गदर्शनाखाली शरीररचनाशास्त्र विभागप्रमुख डॉ. सादिकअली सय्यद, डॉ. योगिता कांबळे, शासकीय वैद्यकीय महाविद्यालय रत्नागिरी चे समाजसेवा अधिक्षक श्री. रेशम जाधव व शरीररचनाशास्त्र विभागातील पूर्वा तोडणकर,भूमी पारकर, प्रियल आडिवरेकर, मिथिलेश मुरकर, मिहिर लोंढे, राज पेडणेकर, श्रेयस जोशी, श्रीपाद गांधी व रुग्णवाहिका चालक प्रीतम भोसले यांनी काम पाहिले.
सदर देहदानासाठी शासकीय वैद्यकीय महाविद्यालय व रुग्णालय रत्नागिरी चे वैद्यकीय अधीक्षक डॉ.विनोद सांगवीकर, अतिदक्षता विभाग मधील अधिपरिचारिका श्रीम.प्राजक्ता कोरगांवकर व श्री.सौरभ चित्ते यांचे सहकार्य मिळाले.
