मांडवी एक्सप्रेसमधून लिव्ह एन जोडप्याची चिमुकल्यासह उडी; महिला ठार, पती व चिमुकला जखमी
कोकण रेल्वे मार्गावर धावत्या मांडवी एक्सप्रेसमधून एका लिव्ह एन जोडप्याने चिमुकल्यासह उडी मारल्याची धक्कादायक घटना खेड तालुक्यातील मेटे गावाजवळ घडली आहे. या भीषण घटनेत महिलेचा जागीच मृत्यू झाला असून पती व चिमुकला गंभीर जखमी झाले आहेत.
मिळालेल्या माहितीनुसार, ही घटना अचानक घडल्याने प्रवाशांमध्ये एकच खळबळ उडाली. घटनेची माहिती मिळताच स्थानिक प्रशासन व बचाव पथके तातडीने घटनास्थळी दाखल झाली. जखमी पती आणि चिमुकल्याला तत्काळ जवळच्या रुग्णालयात हलवण्यात आले असून त्यांच्यावर उपचार सुरू आहेत.
दरम्यान, या घटनेमागील कारण अद्याप स्पष्ट झालेले नसून पोलीस याबाबत अधिक तपास करत आहेत. या घटनेमुळे परिसरात हळहळ व्यक्त होत आहे.
