युद्धविरामानंतरही भारतात इंधन दर कायम

इराण आणि अमेरिका यांच्यातील तीन महिन्यांच्या युद्धामुळे जागतिक बाजारात कच्च्या तेलाच्या किमतीत मोठी वाढ झाली होती. होर्मुज खाडी बंद झाल्याने परिस्थिती अधिकच बिघडली. युद्धविरामानंतर तेलाच्या किमती घसरल्या असल्या तरी भारतात पेट्रोल-डिझेल दर अद्याप कमी झालेले नाहीत.
दरम्यान, पाकिस्तानने इंधन दरात कपात केली असली तरी भारतात अद्याप कोणतीही अधिकृत घोषणा नाही. तेल कंपन्यांचे आधीचे नुकसान भरून काढण्याच्या प्रक्रियेमुळे दर त्वरित कमी होण्याची शक्यता कमी असल्याचे संकेत आहेत. दिल्लीत पेट्रोल 102.12 रुपये तर डिझेल 95.20 रुपये प्रति लिटर दराने विकले जात आहे.