अल्पवयीन प्रसूती प्रकरणाने खळबळ
नवजात बाळ विक्रीप्रकरणी डॉक्टरांसह ९ जण अटकेत
मालेगावातील सटाणा नाका परिसरातील एका खासगी रुग्णालयात अल्पवयीन मुलीची प्रसूती करून नवजात बाळ विक्रीचा प्रयत्न झाल्याचा धक्कादायक प्रकार समोर आला आहे. या प्रकरणी मालेगाव शासकीय रुग्णालयाचे निवृत्त वैद्यकीय अधीक्षक डॉ. किशोर डांगे यांच्यासह नऊ जणांना अटक करण्यात आली असून न्यायालयाने त्यांना १२ जूनपर्यंत पोलीस कोठडी सुनावली आहे.
१६ वर्षीय मुलीची प्रसूती झाल्यानंतर ‘पोक्सो’ कायद्यानुसार पोलिसांना माहिती न दिल्याचा आरोप आहे. तसेच मुलीला अन्यत्र हलवून नवजात बाळ रुग्णालयात ठेवण्यात आल्याने बाळ विक्रीच्या रॅकेटचा संशय व्यक्त केला जात आहे. या प्रकरणाचा पोलीस अधिक तपास करत आहेत.
