राम मंदिर देणगी प्रकरणात नवा दावा; 1,250 मौल्यवान शिळा गायब?
अयोध्येतील राम मंदिर देणगी प्रकरणात नवा दावा समोर आला आहे. धर्मसेनेचे संस्थापक संतोष दुबे यांनी 1989 मध्ये देश-विदेशातून आलेल्या सोने, चांदी, हिरे-माणिक आणि अष्टधातूपासून बनवलेल्या सुमारे 1,250 पूजित शिळा गायब झाल्याचा आरोप केला आहे.
दुबे यांच्या मते, या शिळा 2002 पर्यंत कारसेवकपुरममध्ये सुरक्षित ठेवण्यात आल्या होत्या. मात्र, सध्या त्या कुठे आहेत याबाबत कोणतीही स्पष्ट माहिती उपलब्ध नाही. त्यांनी या शिळांमध्ये मॉरिशसह विविध देशांतून आलेल्या मौल्यवान शिळांचा समावेश असल्याचा दावा केला आहे.
दरम्यान, राम मंदिरातील देणगी निधीतील कथित अनियमिततेच्या चौकशीसाठी स्थापन करण्यात आलेल्या एसआयटीने अनेक संबंधितांची चौकशी सुरू ठेवली आहे. ट्रस्टचे सरचिटणीस चंपत राय आणि विश्वस्त अनिल मिश्रा यांच्यासह अनेकांची चौकशी करण्यात आल्याचे वृत्त आहे. तसेच देणगी निधीच्या कथित गैरव्यवहार प्रकरणाची चौकशी करण्यासाठी उत्तर प्रदेश सरकारने एसआयटी स्थापन केली असून तपास सुरू आहे.
या आरोपांबाबत अधिकृत तपास पूर्ण झालेला नसून, गायब शिळांबाबतचे दावे अद्याप तपासाच्या अधीन आहेत. एसआयटीचा अंतिम अहवाल आल्यानंतरच संपूर्ण चित्र स्पष्ट होण्याची शक्यता आहे.
