नारी शक्तीची नवी झेप! NSG महिला कमांडो प्रशिक्षणाला सुरुवात

 देशातील दहशतवादविरोधी कारवाई अधिक सक्षम करण्यासाठी ‘राष्ट्रीय सुरक्षा गार्ड’ (NSG) कडून महिला कमांडोंसाठी विशेष प्रशिक्षण कार्यक्रम सुरू करण्यात आला आहे. मानेसर येथील एनएसजी अकॅडमीत सुरू झालेल्या या पहिल्या प्रशिक्षण सत्रात राज्य पोलीस आणि केंद्रीय सशस्त्र पोलीस दलातील निवडक महिला कर्मचाऱ्यांचा समावेश आहे.

या प्रशिक्षणात कठोर शारीरिक कसोटी, आधुनिक शस्त्र हाताळणी, क्लोज कॉम्बॅट, आत्मरक्षा तंत्र आणि उच्च जोखमीच्या परिस्थितीत काम करण्याचे कौशल्य दिले जात आहे. एनएसजी ही देशातील अत्यंत प्रशिक्षित दहशतवादविरोधी फोर्स असून अशा मोहिमांसाठी विशेष तयारी केली जाते.

या उपक्रमामुळे सुरक्षा दलांमध्ये महिलांचा सहभाग वाढणार असून दहशतवादाविरुद्धच्या लढाईत त्यांची भूमिका अधिक मजबूत होणार आहे. भविष्यात महिला कमांडो प्रत्यक्ष ऑपरेशन्समध्येही महत्त्वाची जबाबदारी पार पाडतील, असा विश्वास व्यक्त केला जात आहे.